Bona Sano

Pura mano,

Sen malsano.

Ofta bano,

Bona sano.

Bela koro

Kiel floro.

Amikeco

Estas oro.

Kiam tagiĝas

Kun kokeriko,

Tuj ellitiĝas

Eta amiko.

Jen printempo,

Bela tempo.

Floras floroj,

Mil koloroj!

Komenciĝas jam somero.

Varma estas la vetero.

Oni naĝas en rivero

Kaj promenas en vespero.

En la domo

Sidas homo.

Ĉe la homo

Estas pomo.

Jen ĉevalo.

Jen bubalo.

Kio estas?

Animalo.

Jen ĉevalo.

Jen bubalo.

Kie estas?

En la stalo.

Jen bela jupo

De mia pupo.

Jen nova ĉapo

Sur ĝia kapo.

Malgranda stelo

Sur la ĉielo.

Ĝi brilas hele

Kaj ege bele!

Iu kantas el la kor’,

Oni krias:Bis!

Iu volas iri for,

Oni diras:Ĝis!

Kiel iras heliko?

Malrapide ĝi iras.

Kion tiras formiko?

Manĝaĵeron ĝi tiras.